Bydd tystysgrifau Mynediad i AU ar gael i ddysgwyr rhwng 21ain a 24ain Gorffennaf 2026.
Cynghorir dysgwyr MAU i beidio â chofrestru ar blatfform e-dystysgrif Veri nes iddynt dderbyn e-bost yn eu hysbysu bod eu tystysgrif wedi’i chyhoeddi. Bydd dysgwyr yn derbyn e-bost i’r cyfeiriad e-bost a ddarparwyd i Agored Cymru gan y coleg. Rhaid defnyddio’r cyfeiriad e-bost hwn i greu’r cyfrif ar lwyfan e-ardystio Veri.
Mae cyfarwyddiadau ar sut i gofrestru ar lwyfan Veri ar gael yma.
C. Nid wyf wedi derbyn e-bost eto
A. Bydd cyrhaeddiad dysgwyr Mynediad i AU yn cael eu cyhoeddi rhwng 21ain a 24ain o Orffennaf a byddwch yn derbyn e-bost awtomataidd i’ch hysbysu pan fydd eich cyflawniadau ar gael, nid cyn hynny. Sicrhewch eich bod yn ymwybodol o’r cyfeiriad e-bost penodol a roddwyd i ni gan eich coleg ac y byddwn yn ei ddefnyddio i roi gwybod i chi a rhoi mynediad i chi i’r llwyfan e-ardystio, a bod gennych fynediad iddo. Gwiriwch eich ffolder sothach/sbam hefyd rhag ofn bod yr hysbysiad yn cael ei gyfeirio yno.
Os oes gennych reswm i gredu y dylech fod wedi derbyn e-bost hysbysu (er enghraifft, mae cyfoedion yn eich dosbarth wedi derbyn eu he-bost ond nid ydych chi) yna anfonwch e-bost at cefnogaeth.canolfan@agored.cymru gyda’ch enw, dyddiad geni a’r Diploma a astudiwyd a gall un o’r tîm wirio hyn i chi.
C. Nid wyf yn siŵr pa e-bost y gwnaeth y Coleg fy nghofrestru ag ef
A. Os ydych chi’n ansicr yna cysylltwch â’ch coleg yn y lle cyntaf. Neu, os byddwch chi’n cysylltu â ni o’r e-bost rydych chi’n credu eich bod chi wedi cofrestru ag ef, gallwn ni gadarnhau. Rhaid i’r cyfeiriad e-bost a ddefnyddir i gofrestru ar Veri gyd-fynd yn union (gan gynnwys unrhyw amrywiadau o enw’r coleg) â’r e-bost a roddwyd i ni gan y Coleg.
C. Rwy’n ceisio cofrestru ond nid yw’n adnabod fy manylion
A. Gwnewch yn siŵr eich bod yn cofrestru ar blatfform Veri, ac nid ar wefan Agored Cymru. Gwenwch yn siŵr mai’r cyfeiriad e-bost sy’n cael ei ddefnyddio i gofrestru yw’r un cyfeiriad e-bost y gwnaethoch dderbyn yr hysbysiad iddo.
C. Mae fy nghyfrif yn dal i fod yn ‘aros cymeradwyaeth’
A. Os nad ydych wedi derbyn yr e-bost yn dweud wrthych fod eich canlyniadau ar gael, yna mae angen i chi aros am eich hysbysiad e-bost. Os ydych wedi derbyn eich hysbysiad, yna gall y statws ‘Aros cymeradwyaeth’ ddangos eich bod wedi cofrestru eich cyfrif cyn i’r canlyniadau fod ar gael - anfonwch e-bost at cefnogaeth.canolfan@agored.cymru gyda’ch enw, dyddiad geni a’r Diploma a astudiwyd.
C. Mae fy nghyd-ddisgyblion wedi derbyn eu he-bost, ond nid wyf fi
A. Y peth cyntaf yw penderfynu pa gyfeiriad e-bost rydych chi’n meddwl y byddwch chi’n derbyn (h.y. e-bost personol neu e-bost coleg). Sicrhewch eich bod yn gwirio ffolderi sothach/sbam.
Os oes gennych chi reswm i gredu y dylech fod wedi derbyn e-bost hysbysu (er enghraifft, mae cyfoedion yn eich dosbarth wedi derbyn eu he-bost ond nid ydych chi) yna anfonwch e-bost at cefnogaeth.canolfan@agored.cymru gyda’ch enw, dyddiad geni a’r Diploma a astudiwyd a gall un o’r tîm wirio hyn i chi.
C. Ni allaf gael mynediad at fy e-bost coleg, neu rwyf wedi fy nghloi allan o fy e-bost coleg
A. Ni allwn helpu i gael mynediad at eich cyfrif e-bost coleg. Bydd angen i chi gysylltu â’r coleg.
C. Nid oes gennyf fynediad i’r cyfrif e-bost y mae’r Ganolfan wedi fy nghofrestru ag ef
A. Bydd angen i chi gysylltu â’r coleg a gofyn iddynt e-bostio cefnogaeth.canolfan@agored.cymru gyda’ch cyfeiriad e-bost wedi’i ddiweddaru. Ni allwn dderbyn e-bost amgen yn uniongyrchol gennych. Unwaith y byddwn wedi derbyn cadarnhad o’r e-bost newydd gan y ganolfan, bydd ein tîm yn diweddaru eich cofnod dysgwr.
C. Rwyf wedi cael fy nghloi allan o fy Nghyfrif Veri
A. Fel arfer, bydd angen i chi aros 2 awr iddo ddatgloi’n awtomatig.
Cysylltwch â cefnogaeth.canolfan@agored.cymru gyda’ch enw, dyddiad geni a’r Diploma a astudiwyd a gall un o’r tîm wirio hyn i chi.
C. Pryd y byddaf yn derbyn fy nhystysgrif bapur.
A. Ers y 1af o Awst 2025, yn unol â’n symudiad at fodel Digidol yn Gyntaf, mae Tystysgrifau Digidol yn cael eu cyhoeddi i’r holl ddisgyblion fel gofyniad safonol. Mae symud at ardystiad digidol yn lleihau defnydd o bapur, argraffu, pecynnu, a darpariaeth trwy’r post yn sylweddol, sy’n cefnogi ein hymrwymiadau cynaliadwyedd ehangach ac yn alinio gyda’n gwaith mewn meysydd megis y cymhwyster Rheoli Ynni a Charbon. Mae modd i chi weld eich e-dystysgrif Mynediad i Addysg Uwch ar ein llwyfan Veri gan gofrestru yma.
C: Nid yw fy nghanlyniadau/graddau’r hyn yr oeddwn yn ei ddisgwyl.
A: Bydd angen i chi gysylltu â’ch coleg yn y lle cyntaf er mwyn iddyn nhw allu cysylltu â’r tîm MAU yn uniongyrchol.