Mae Agored Cymru yn cydnabod bod yr iaith Gymraeg yn rhan hanfodol o dirwedd ddiwylliannol ac addysgiadol Cymru. Rydym ni’n credu ei bod yn hanfodol bod dysgwyr yn cael y cyfle i gael mynediad at adnoddau addysgol a chymwysterau yn yr iaith o'u dewis. Felly, rydym wedi ymrwymo i gynnig pob cymhwyster (ar gais) drwy gyfrwng y Gymraeg.

Drwy ddarparu cymwysterau ac adnoddau yn y Gymraeg, ein nod yw cefnogi a grymuso dysgwyr Cymraeg eu hiaith i gyflawni eu potensial llawn, gan hyrwyddo cynhwysiant drwy ddileu rhwystrau ieithyddol ym maes addysg a chyfoethogi eu profiad dysgu drwy barchu a chefnogi eu hunaniaeth ddiwylliannol.

Er mwyn sicrhau bod cymwysterau ac adnoddau ar gael drwy gyfrwng y Gymraeg, bydd Agored Cymru yn:

  • gweithio gyda chanolfannau a Chymwysterau Cymru i ddatblygu a chynnal fersiynau Cymraeg o’n cymwysterau a’n hadnoddau

  • dyrannu adnoddau a buddsoddi mewn cyfieithu asesiadau, deunyddiau ac adnoddau ategol i’r Gymraeg, gan sicrhau cywirdeb ieithyddol a sensitifrwydd diwylliannol

  • hwyluso hyfforddiant a datblygiad proffesiynol i addysgwyr ac aseswyr, gan eu galluogi i gyflwyno cymwysterau yn effeithiol yn Gymraeg a darparu cymorth ieithyddol priodol i ddysgwyr

  • adolygu a diweddaru’r datganiad polisi hwn yn rheolaidd i sicrhau bod ein darpariaeth cymwysterau drwy gyfrwng y Gymraeg yn parhau i gyd-fynd â datblygiadau polisi a deddfwriaethol yng Nghymru, yn ogystal ag anghenion newidiol dysgwyr Cymraeg eu hiaith

  • ymgysylltu â chanolfannau cyfrwng Cymraeg a dwyieithog i ofyn am adborth, gyrru gwelliant parhaus a mynd i’r afael â phryderon neu awgrymiadau sy’n ymwneud â’r cymwysterau yr ydym yn eu darparu yn Gymraeg

  • cyfleu ein safbwynt polisi yn glir ynghylch argaeledd cymwysterau cyfrwng Cymraeg i ganolfannau

  • cydymffurfio yn llawn â’r Amodau Cydnabod a nodir gan Gymwysterau Cymru mewn perthynas â chymwysterau cyfrwng Cymraeg.

Trwy ein hymrwymiad i’r polisi hwn, rydym yn ceisio meithrin amgylchedd addysgol mwy cynhwysol a thecach.

Mae modd gweld y cymwysterau sydd ar gael drwy gyfrwng y Gymraeg, naill ai'n llawn neu'n rhannol, ar Gronfa ddata Cymwysterau a Reoleiddir Cymwysterau Cymru (QiW)

Mae Agored Cymru wedi ymrwymo i gefnogi asesu drwy gyfrwng y Gymraeg ac yn cynnig pob cymhwyster a reoleiddir drwy gyfrwng y Gymraeg ar gais, yn amodol ar rybudd rhesymol ac unrhyw ofynion yn benodol i’r cymhwyster.

Ceir rhagor o wybodaeth am ein cymwysterau drwy gyfrwng y Gymraeg, trefniadau asesu a’r adnoddau ategol sydd ar gael ar hyn o bryd ar ein gwefan, gan ddefnyddio Chwilio Cymwysterau.

Mae Agored Cymru wedi ymrwymo i sicrhau bod dysgwyr sy'n dewis ymgymryd â chymwysterau drwy gyfrwng y Gymraeg yn cael profiad asesu ac adnoddau ategol sydd o ansawdd a safon gyfatebol i'r rhai a ddarperir yn Saesneg.