Pennaeth Sicrhau Ansawdd ac Asesu
Disgrifiad Swydd
Mae hwn yn gyfle i ddod yn uwch arweinydd gweithredol sy’n gyfrifol am sicrhau ansawdd ac asesu safonau o fewn corff dyfarnu cydnabyddedig. Mae’r rôl yn cyfuno arweinyddiaeth, atebolrwydd, gwneud penderfyniadau gweithredol a gwelliant parhaus, gan gynnig cyfle i’r ymgeisydd llwyddiannus wneud cyfraniad sylweddol i ganlyniadau dysgwyr, hyder rheoleiddiol a llwyddiant y sefydliad.
Mae hon yn rôl arweinyddiaeth hollbwysig o fewn Agored Cymru ar adeg gyffrous yn natblygiad y sefydliad.
Fel corff dyfarnu cydnabyddedig ac Asiantaeth Dilysu Mynediad, mae Agored Cymru wedi ymrwymo i gynnal y safonau uchaf o ran ansawdd, asesu a chydymffurfiaeth reoleiddiol ar draws portffolio amrywiol o gymwysterau a rhaglenni dysgu. Wrth i ni barhau i dyfu ac esblygu, rydym yn cryfhau ein gweithredoedd sicrhau ansawdd ac asesu i sicrhau bod dysgwyr, canolfannau, cyflogwyr, rheoleiddwyr a rhanddeiliaid yn parhau i fod yn hyderus yn uniondeb ein cymwysterau a chanlyniadau asesu.
Bydd Pennaeth Sicrhau Ansawdd ac Asesu yn chwarae rhan ganolog wrth ddiogelu safonau, gwarchod uniondeb penderfyniadau ardystio a sicrhau bod systemau sicrhau ansawdd yn parhau’n gadarn, yn gymesur ac yn ymatebol o fewn amgylchedd rheoleiddio cynyddol gymhleth.
Y tu hwnt i gydymffurfiaeth reoleiddiol, mae’r rôl hon yn darparu cyfle unigryw i siapio datblygiad sicrhau ansawdd ac arfer asesu o fewn Agored Cymru. Bydd yr ymgeisydd llwyddiannus yn helpu i ddylanwadu sut mae safonau’n cael eu cynnal, sut y rheolir risg a sut y mae sicrhau ansawdd yn cefnogi arloesedd, twf a llwyddiant dysgwyr ar draws portffolio amrywiol o gymwysterau sy’n datblygu.
Fel rhan o strwythur arweinyddiaeth sydd wedi'i gryfhau'n ddiweddar, mae’r rôl yn un o’r pileri allweddol sy’n cynnal fframwaith rheoleiddio Agored Cymru. Gan weithio ochr yn ochr â’r Cyfarwyddwr Cymwysterau ac Asesu a’r swyddogaeth Cydymffurfiaeth, Risg ac Archwilio, mae Pennaeth Sicrhau Ansawdd ac Asesu yn darparu sicrwydd gweithredol annibynnol bod safonau’n cael eu cynnal, a bod rhwymedigaethau rheoleiddiol yn cael eu bodloni.
Gan adrodd i’r Dirprwy Brif Weithredwr a Swyddog Cyfrifol, bydd yr ymgeisydd llwyddiannus yn darparu arweinyddiaeth ar gyfer sicrhau ansawdd a chyflwyno asesu ar draws y sefydliad. Byddant yn arwain datblygiad fframwaith sicrhau ansawdd modern, sy'n seiliedig ar wybodaeth, sy’n cefnogi arloesedd wrth gynnal hyder rheoleiddiol ac ymddiriedaeth y cyhoedd.
Mae’r rôl yn cynnig cyfle unigryw i ddylanwadu ar sut y caiff sicrhau ansawdd, asesu a safonau eu rheoli o fewn corff dyfarnu uchel ei barch, sydd wedi ymrwymo i ehangu cyfranogiad, cefnogi dysgwyr a chyflawni effaith gymdeithasol ystyrlon ar draws Cymru a thu hwnt.
Os oes gennych chi ddiddordeb yn y rôl hon, anfonwch eich CV a llythyr eglurhaol yn esbonio pam eich bod yn addas ar gyfer y rôl at ad@agored.cymru.
Y dyddiad cau ar gyfer ceisiadau yw diwedd y diwrnod gwaith ddydd Gwener 17eg Gorffennaf 2026.
Mae Agored Cymru yn cadw’r hawl i gau’r swydd wag hon yn fuan os derbynnir digon o geisiadau, a gall ddechrau cynnal cyfweliadau cyn y dyddiad cau.
Cynhelir cam cyntaf y cyfweliadau ar-lein i sicrhau hygyrchedd a hyblygrwydd i bob ymgeisydd.
• Disgwylir cynnal cam cyntaf y cyfweliadau yn ystod yr wythnos sy’n dechrau 27ain Gorffennaf 2026.
• Cynhelir ail gam y cyfweliadau yn ystod yr wythnos sy’n dechrau 3ydd Awst 2026
Sylwch fod yn rhaid i chi feddu ar dystiolaeth o’ch hawl i weithio a byw yn y DU.
Rheolwr Cyfrifon Busnes
Pwrpas y rôl yw:
- Llywio twf refeniw drwy nodi a throsi cyfleoedd busnes newydd i Agored Cymru.
- Arwain ymgysylltiad strategol drwy ddatblygu perthnasau cryf a pharhaol ar draws y sector Addysg Drydyddol yng Nghymru.
Bydd deiliad y swydd yn gweithredu fel uwch arweinydd masnachol o fewn y Tîm Datblygu Busnes, gan weithredu fel cyfrwng rhwng y Pennaeth Datblygu Busnes a’r Tîm Datblygu Busnes ehangach. Bydd y rôl yn darparu cyfeiriad strategol, goruchwyliaeth fasnachol a chefnogaeth arwain i sicrhau bod prosiectau, cyfleoedd, a chynlluniau twf yn cael eu cyflwyno'n effeithiol ac yn gyson.
Mae'r rôl hon yn gofyn am weithiwr proffesiynol profiadol ym maes gwerthu a datblygu busnes sydd gyda ffocws masnachol, gwybodaeth gyfredol am y sector AB yng Nghymru, gallu arwain, a'r gallu i ddylanwadu ar gysylltiadau allanol a chydweithwyr mewnol.
Cyfrifoldebau Rôl
1. Perfformiad Gwerthu a Rheoli Cyfrifon Strategol
- Cyflawni targedau gwerthu ymestynnol sydd yn diogelu ac yn cynyddu ein cyfran o'r farchnad o fewn colegau AB yng Nghymru.
- Gweithredu strategaeth werthu'r cwmni, gan sicrhau bod y canlyniadau'n bodloni neu'n rhagori ar ddisgwyliadau'r gyllideb.
- Cyfrannu at brosiectau strategol a gweithredol y sefydliad.
- Nodi, dadansoddi ac adrodd ar dueddiadau a mewnwelediadau'r farchnad er mwyn llywio penderfyniadau busnes a gwelliant parhaus.
- Cefnogi gweithgareddau partneriaeth strategol ac ymgysylltu ehangach â rhanddeiliaid.
- Darparu rhagolygon refeniw misol cywir i gefnogi gwaith cynllunio'r sefydliad.
2. Rheoli Perthnasoedd a Chyflawni Masnachol
- Adeiladu a chynnal perthnasau ar lefelau priodol er mwyn cyflawni targedau gwerthu ac incwm.
- Datblygu a dilyn strategaeth gyswllt fanwl.
- Rheoli contractau partneriaeth, cytundebau a chydweithrediadau, gan sicrhau cydymffurfiaeth ar y cyd.
- Olrhain ac adrodd ar gyfleoedd cwsmeriaid, cyfleoedd busnes newydd a chanlyniadau llwyddiannus.
- Nodi datblygiadau ariannu ac anghenion marchnad a sgiliau sy’n dod i'r amlwg er mwyn llywio twf busnes.
3. Datblygu'r Farchnad, Twf Brand ac Ymgysylltu Allanol
- Cynrychioli’r sefydliad mewn digwyddiadau allanol perthnasol er mwyn hyrwyddo brand Agored Cymru a chasglu gwybodaeth am y farchnad.
- Cydweithio gyda’r Swyddog Cyfryngau Cymdeithasol a Marchnata er mwyn alinio ymgyrchoedd gyda’r strategaeth werthu o fewn y sylfaen cwsmeriaid a gytunwyd.
- Cefnogi mentrau twf wedi'u targedu mewn colegau AB a darparwyr Mynediad i AU.
- Rhannu mewnwelediadau perthnasol ar gyllid addysg, newidiadau polisi a ffactorau sy'n dylanwadu ar y farchnad.
4. Adrodd a Rheoli Data
- Darparu mewnwelediadau marchnad sy'n seiliedig ar ddata i dimau arweinyddiaeth a gweithredol.
- Goruchwylio ac adrodd ar berfformiad ariannol ar draws y sylfaen cwsmeriaid a ddyrannwyd.
- Cynhyrchu adroddiadau gwerthiant, monitro cwsmeriaid a pherfformiad gan ddefnyddio system Rheoli Cysylltiadau Cwsmeriaid (CRM) a systemau mewnol.
- Cofnodi a chynnal nodiadau cywir o gyfarfodydd cwsmeriaid, camau gweithredu a gweithgarwch dilynol.
- Monitro ac adrodd ar weithgarwch cystadleuwyr a datblygiadau yn y sector er mwyn llywio penderfyniadau strategol.
5. Profiad Cwsmer a Chydweithio Mewnol
- Darparu profiad cwsmer o safon uchel tra'n cynnal ffocws masnachol cryf.
- Cydweithio'n gydweithredol â thimau mewnol er mwyn cefnogi darpariaeth, dileu rhwystrau a gwella canlyniadau i gwsmeriaid.
- Cymryd perchnogaeth am ddatrys materion a allai effeithio ar gadw cwsmeriaid, twf neu refeniw.
Os oes gennych chi ddiddordeb yn y rôl hon, anfonwch eich CV a llythyr eglurhaol yn esbonio pam eich bod yn addas ar gyfer y rôl at ad@agored.cymru.
Y dyddiad cau ar gyfer ceisiadau yw diwedd y diwrnod gwaith ddydd Gwener 17eg Gorffennaf 2026.
Mae Agored Cymru yn cadw’r hawl i gau’r swydd wag hon yn fuan os derbynnir digon o geisiadau, a gall ddechrau cynnal cyfweliadau cyn y dyddiad cau.
Cynhelir cam cyntaf y cyfweliadau ar-lein i sicrhau hygyrchedd a hyblygrwydd i bob ymgeisydd.
• Disgwylir cynnal cam cyntaf y cyfweliadau yn ystod yr wythnos sy’n dechrau 27ain Gorffennaf 2026.
• Cynhelir ail gam y cyfweliadau yn ystod yr wythnos sy’n dechrau 3ydd Awst 2026
Sylwch fod yn rhaid i chi feddu ar dystiolaeth o’ch hawl i weithio a byw yn y DU.
Rheolwr Cydymffurfiaeth, Risg ac Archwilio
Mae’r Rheolwr Cydymffurfiaeth, Risg ac Archwilio yn gyfrifol am gefnogi trefniadau cydymffurfiaeth, rheoli risg, archwilio a sicrwydd y sefydliad, gan sicrhau bod y wybodaeth sy'n ymwneud â chydymffurfiaeth reoleiddiol, risg sefydliadol a rheolaethau effeithiol yn gywir, yn gadarn ac ar gael i gefnogi penderfyniadau effeithiol.
Gan weithio’n agos gyda’r Swyddog Cyfrifol, bydd deiliad y swydd yn darparu mewnwelediad sicrwydd annibynnol ar draws sicrhau ansawdd, datblygu cymwysterau a gweithgarwch ehangach y sefydliad, gan helpu i nodi risgiau, gwendidau a materion sy’n dod i'r amlwg cyn iddynt effeithio ar berfformiad sefydliadol neu gydymffurfiaeth reoleiddiol.
Bydd y rôl yn cydlynu ac integreiddio gwybodaeth o fonitro cydymffurfiaeth, archwilio mewnol, hunanasesu, cwynion, apeliadau, camarfer, camweinyddu a gweithgarwch rheoli risg er mwyn darparu darlun clir o sicrwydd sefydliadol sy’n seiliedig ar dystiolaeth.
Fel cyfrannwr allweddol i fframwaith llywodraethu Agored Cymru, bydd deiliad y swydd yn cefnogi parodrwydd rheoleiddiol, gwelliant parhaus a gwydnwch sefydliadol drwy sicrwydd effeithiol, dadansoddiad, adrodd a goruchwylio.
Bydd deiliad y swydd yn:
Cefnogi a monitro'r gwaith o weithredu'r fframwaith cydymffurfiaeth y sefydliad, gan sicrhau bod gofynion rheoleiddiol wedi’u dogfennu'n glir, eu cyfathrebu'n effeithiol a’u cymhwyso'n gyson ar draws timau gweithredol.
Cynnal a monitro prosesau rheoli risg y sefydliad drwy gofnodi, diweddaru ac adolygu risgiau, gan sicrhau bod gwybodaeth am risg yn gywir, yn gyfredol ac wedi'i gefnogi gan dystiolaeth briodol.
Cynnal, cydlynu ac olrhain y rhaglen archwilio fewnol drwy baratoi dogfennaeth, trefnu gweithgarwch archwilio, cofnodi canfyddiadau a monitro camau gweithredu hyd nes y cânt eu cwblhau.
Asesu effeithiolrwydd rheolaethau a phrosesau ar draws gweithgarwch sicrhau ansawdd, datblygu cymwysterau a chydymffurfiaeth sefydliadol, gan nodi gwendidau a darparu her ac argymhellion sy’n seiliedig ar dystiolaeth.
Cefnogi'r gwaith o baratoi dychweliadau rheoleiddiol a chyflwyniadau allanol drwy gasglu, strwythuro a gwirio gwybodaeth, gan sicrhau ei bod yn cyd-fynd â safbwyntiau sefydliadol y cytunwyd arnynt ac yn uwchgyfeirio unrhyw ansicrwydd neu risgiau.
Dadansoddi data o feysydd cydymffurfiaeth, rheoli risg, archwilio, cwynion, apeliadau, camarfer, camweinyddu a gweithgarwch canolfannau er mwyn nodi tueddiadau, patrymau a materion sy'n dod i'r amlwg, a chyflwyno'r rhain yn glir i gefnogi goruchwyliaeth a phenderfyniadau.
Darparu dadansoddiad sicrwydd integredig ar draws gweithgarwch cydymffurfiaeth, risg, archwilio, apeliadau, a digwyddiadau, gan nodi risgiau systemig, materion sy'n codi dro ar ôl tro a meysydd o amlygiad rheoleiddiol.
Cefnogi cywirdeb, cyflawnrwydd ac uniondeb data a ddefnyddiwyd at ddibenion cydymffurfiaeth, adrodd a sicrwydd, gan nodi anomaleddau neu anghysondebau a gweithio gyda thimau i ddatrys materion.
Darparu cefnogaeth ac arweiniad i ganolfannau, lle bo’n briodol, i'w helpu i ddeall a bodloni eu rhwymedigaethau yn unol â'r Cytundeb Canolfan, gan sicrhau bod disgwyliadau'n cael eu cyfathrebu'n glir a’u cymhwyso'n gyson.
Gweinyddu a chydlynu prosesau sy'n ymwneud â chamarfer, camweinyddu a diffyg cydymffurfio, gan sicrhau bod achosion yn cael eu cofnodi, eu dogfennu a'u symud ymlaen yn unol â gweithdrefnau y cytunwyd arnynt.
Gweinyddu rheoli polisïau ac olrhain adolygiadau polisïau.
Cefnogi parodrwydd rheoleiddiol a pharatoi ar gyfer archwilio.
Cefnogi’r gwaith o baratoi dogfennaeth a thystiolaeth sy’n ofynnol ar gyfer archwiliadau, gan sicrhau bod cofnodion yn gywir, yn gyflawn ac yn archwiliadwy.
Cydlynu prosesau hunanasesu'r sefydliad, gan sicrhau bod tystiolaeth yn cael ei gasglu, ei gynnal ac yn unol â gofynion adrodd.
Gweinyddu prosesau cwynion ac apeliadau, gan sicrhau bod achosion yn cael eu rheoli yn unol â’r gweithdrefnau y cytunwyd arnynt a bod canlyniadau'n cael eu cofnodi, eu holrhain a’u hadrodd.
Paratoi adroddiadau strwythuredig a dangosfyrddau i gefnogi'r Swyddog Cyfrifol wrth oruchwylio statws cydymffurfiaeth, amlygiad risg, canlyniadau archwilio, tueddiadau a risgiau sy'n dod i'r amlwg.
Sicrhau bod pob gweithgarwch sy'n ymwneud â chydymffurfiaeth, archwilio, risg a digwyddiadau yn cael ei gefnogi gan gofnodion clir, cyson ac archwiliadwy.
Cefnogi blaenoriaethu gweithgarwch sicrwydd ar sail risg, gan ganolbwyntio ar feysydd sydd o'r pwysigrwydd rheoleiddiol neu'r amlygiad mwyaf, yn unol â chyfarwyddyd y Swyddog Cyfrifol.
Sut i wneud cais
Os oes gennych chi ddiddordeb yn y rôl hon, anfonwch eich CV a llythyr eglurhaol yn esbonio pam eich bod yn addas ar gyfer y rôl.
Y dyddiad cau ar gyfer ceisiadau yw diwedd y diwrnod gwaith ddydd Gwener 17eg Gorffennaf 2026.
Mae Agored Cymru yn cadw’r hawl i gau’r swydd wag hon yn fuan os derbynnir digon o geisiadau, a gall ddechrau cynnal cyfweliadau cyn y dyddiad cau.
Cynhelir cam cyntaf y cyfweliadau ar-lein i sicrhau hygyrchedd a hyblygrwydd i bob ymgeisydd.
• Disgwylir cynnal cam cyntaf y cyfweliadau yn ystod yr wythnos sy’n dechrau 27ain Gorffennaf 2026.
• Cynhelir ail gam y cyfweliadau yn ystod yr wythnos sy’n dechrau 3ydd Awst 2026
Sylwch fod yn rhaid i chi feddu ar dystiolaeth o’ch hawl i weithio a byw yn y DU.
Ymddiriedolwyr
Disgrifiad Swydd
Mae Agored Cymru yn gorff dyfarnu a menter gymdeithasol Gymreig sydd wedi ymrwymo i helpu dysgwyr o bob oed a chefndir i wireddu eu potensial. Gyda dros 30 mlynedd o brofiad, rydym yn dylunio a dosbarthu cymwysterau a gydnabyddir yn genedlaethol - o Sgiliau Hanfodol i Gynaliadwyedd - gan weithio gydag ysgolion, sefydliadau addysg bellach, darparwyr hyfforddiant a chyflogwyr ledled Cymru a thu hwnt.
Rydym yn hyrwyddo dwyieithrwydd, tegwch ac effaith gymdeithasol gyda balchder, ac yn cefnogi’r iaith Gymraeg a gweledigaeth Llywodraeth Cymru o Gymru wirioneddol ddwyieithog.
Rydym yn chwilio am ymddiriedolwyr newydd ag arbenigedd cryf yn y meysydd canlynol:
- Adnoddau Dynol a Chyfraith Cyflogaeth i wella goruchwyliaeth y Bwrdd o strategaeth pobl, llywodraethu'r gwiethlu, ac arferion cyflogaeth.
- Colegau i gryfhau dealltwriaeth y Bwrdd o'r tirlun addysg bellach a sgiliau, anghenion dysgwyr, a blaenoriaethau sector.
- Masnachol i wella goruchwyliaeth y Bwrdd o ran strategaeth fasnachol, cynaliadwydd, a chyfleoedd twf.
- Dyfarnu ac asesu i gryfhau goruchwyliaeth y Bwrdd o ddatblygu cymwysterau, arferion asesu, as safonau dyfarnu.
Disgwylir bod Cyfarwyddwyr Anweithredol yn mynychu ac yn cyfrannu'n ystyrlon at bump cyfarfod Bwrdd y flwyddyn a gwasanaethu ar un o'n pwyllgorau allweddol: y Pwyllgor Busnes, Cyllid a Phobl (PBCPh) neu'r Pwyllgor Ansawdd, Safonau a Rheoleiddio (PASRh) sy'n cyfarfod pedair gwaith y flwyddyn .
Yn y rôl yna, byddwch yn cefnogi a herio'r Prif Weithredwr a’r uwch dîm arweinyddiaeth yn adeiladol, yn cyfrannu at ddatblygiad blaenoriaethau strategol, a chynnig sicrwydd ynghylch perfformiad a risg y sefydliad. Mae ymrwymiad cryf i lywodraethu da, arweinyddiaeth foesegol, cydraddoldeb, amrywiaeth, cynhwysiant, a dwyieithrwydd yn hanfodol.
Mae hwn yn gyfle gwerth chweil i chwarae rôl ganolog wrth lunio cyfeiriad strategol Agored Cymru, cryfhau ein llywodraethu pobl, a chefnogi ein cenhadaeth i drawsnewid bywydau drwy addysg.
Mae ceisiadau ar agor nawr
I fynegi eich diddordeb neu am sgwrs anffurfiol, cysylltwch â: fiona.dowd@agored.cymru