Mae'r cymwysterau addysg bersonol a chymdeithasol yn cefnogi meysydd polisi addysgol allweddol Llywodraeth Cymru, gan gynnwys y Fframwaith Addysg Bersonol a Chymdeithasol ar gyfer dysgwyr 7 i 19 oed yng Nghymru.
Mae'r cymwysterau'n bodloni'r pum thema wahanol sy'n rhan o'r fframwaith:
- dinasyddiaeth weithgar
- iechyd a lles emosiynol
- datblygiad moesol ac ysbrydol
- paratoi ar gyfer dysgu gydol oes
- datblygiad cynaliadwy
- dinasyddiaeth fyd-eang.
Mae'r cymwysterau yn helpu dysgwyr i feithrin mwy o sgiliau a gwybodaeth er mwyn gwella eu datblygiad personol a chymdeithasol, yn ogystal â'u hiechyd a'u lles emosiynol. Mae hyn yn sicrhau bod pobl ifanc yn meddu ar y sgiliau priodol ac yn dod yn unigolion hyderus er mwyn byw yn effeithiol ac yn llwyddiannus mewn cymdeithas sy'n newid yn sydyn, a'u bod yn gwireddu eu huchelgeisiau.
Rhagor o Wybodaeth
Rydym ar flaen y gad o ran yr arferion presennol a gallwn ddarparu cyngor ac arweiniad arbenigol ar gyfer Addysg Bersonol a Chymdeithasol a'r themâu cysylltiedig megis mynd i'r afael â bwlio, tlodi plant, addysg rhyw a pherthnasoedd ac addysg camddefnyddio sylweddau.
Os oes gennych chi ddiddordeb mewn cael rhagor o wybodaeth cysylltwch â ni.