Cynulleidfa: Swyddogion Sicrhau Ansawdd Mewnol (SAM), Arweinwyr SAM ac aseswyr profiadol sy’n symud ymlaen i rolau SAM.
Mae’r sesiwn datblygiad proffesiynol rhyngweithiol 2.5 awr hon wedi’i chynllunio i gryfhau gwybodaeth ac ymarfer swyddogion SAM yn unol â safonau Agored Cymru. Bydd y cynrychiolwyr yn archwilio sut i gymhwyso dulliau seiliedig ar risg i samplu, cynhyrchu adroddiadau SAM gwerthusol a seiliedig ar dystiolaeth, a darparu adborth datblygiadol sy’n cefnogi gwelliant a chysondeb aseswyr mewn penderfyniadau asesu.
Trwy weithgareddau ymarferol, astudiaethau achos, a thrafodaeth, bydd cyfranogwyr yn magu hyder wrth ymgorffori arsylwadau o fewn samplu, gan gymhwyso technegau sicrhau ansawdd cyfannol, a pharatoi’n effeithiol ar gyfer sicrhau ansawdd allanol (SAA).
Erbyn diwedd y sesiwn, bydd cyfranogwyr yn gallu:
• Cymhwyso egwyddorion samplu sy’n seiliedig ar risg i lywio cynllunio SAM
• Ysgrifennu adroddiadau SAM clir, gwerthusol gyda barnau sy’n seiliedig ar dystiolaeth a chamau gweithredu CAMPUS
• Darparu adborth adeiladol sy’n hyrwyddo datblygiad aseswyr ac yn cynnal safonau asesu
• Integreiddio arsylwadau aseswyr yn effeithiol o fewn y broses SAM.
• Dangos parodrwydd ar gyfer SAA trwy ddogfennaeth effeithiol ac arfer sicrhau ansawdd
Mae’r sesiwn hon yn cynnig canllawiau ymarferol, arfer gorau a rennir ac offer i wella hyder, cysondeb ac ansawdd o fewn prosesau gwirio mewnol